بسم الله الرحمن الرحيم

في السلك

*اليوم صباحا غادر اولادنا لبلد المليون شهيد *لاعلان زيادة المليون شهيد *حايبقوا مليون واتنين شهيد *كلو شئ زاد *الغريب شنو ؟؟؟ *المهم *ماشين للجزائر عارفين ماشيين ليه *خطوه في الطريق لمقابلة مازيمبي *ومن دوافع وطنيه بحته *نرجوا من الاخه الاهله مساعدتنا في ارهاق مازيمبي *يجيبوهوا لينا حي *وتحت شعار ما ينوم *نوري ليك مازيمبي حاجه *مازيمبي لازم يجينا من ابو الهل حي *عشان نعدي علي جثتو في طريق المطار *ايها الناس *الزعيم بالجزائر يتبعه من استطاع *وتتبعه دعوات الملايين من ابناء هذا الشعب الوفي *فقط نطالب اولادنا بعدم (الطنقعه) والاستهتار *بعد يجيبوا الكاس ان شاء الله يرقصوا (بريك دانص) *لكن ما يرقصوا كتير *القصه فيها سوبر *والحكاية فيها كأس عالم للانديه *رقصة المطر تكون في المطار *ورقصة الحرب علي انغام السلام الجمهوري  في احتفال السوبر *ورقصة الاسد في اليابان *اصلي يا عمك *ياباني ديباجه *لا تايواني ولا صيني ولا كوري *ولا مجمع في فياتنام *ياباني اصلي *ايها الناس *سنفتقد رقصة (الباعوضه قرصتني ) *رقصة اوكرا *سنفقدها في مباراة العلمه *ولكن قطعا سنرقصها في القلعه الحمراء يوم لقاء الاتحاد ان شاء الله *رقصة اوكرا دي رقصة مميزه *اخاف ان يسرقها الجماعه كما  حاولوا ان يسرقوا لقب الشفوت *وكما سرقوا هتافات مريخيه معروفه وقديمه *الباعوضه قرصتني رقصة حانشاهدها في النهائي الافريقي ان شاء الله *حاتكون بره البلد *وجوه البلد نقعد كلنا نتحكي وننكرش *المهم *منو القال الشغيل لديه اكتر من كرت ؟؟؟ *منو القال الشغيل طبيعي بياخد كروت ؟؟؟ *منو القال الشغيل في اي مباراة يلعبها يستحق بكته كروت ؟؟؟ *الشغيل لاعب مسالم ولعبو ناعم *وممكن يلعب ليك سنه بدون ما ياخد كرت *لابعفص ولا بشلت ولا بشنكل *كيف يكون ماخد اكتر من كرت في مسيرتو الافريقيه منذ التمهيدي ولليوم ؟؟؟ *الشغيل موقفو سليم *وعلي الاهله اشراكه في مباراة مازيمبي باطمئنان كبير *فحالته لاتشبه حالة مساوي يوم زامبيا *انتوا بس لعبوهوا يا روشا *وعينكم ماتشوف الا النور *نور التاهل لدور الاربعه *الشغيل بأهلكم لدور الاربعه لانو ما اربعه *بالذات بعد قرار نيلسون الاخير *ويستوي الامر ان كان نيلسون هو من اصدر القرار او مجلس الهلال *الشغيل مهم شديد *وحتي ولو كان موقوف لعبوهوا *فاشراك لاعب موقوف برغم العلم بانو موقوف ما غريب عليكم *تتذكروا عاكف عطا المطرود من مباراه بعد يومين من الطرد لعبتوهوا ضد المريخ ؟؟؟ *عادي يا عمك *ياناس *طالعنا بالامس خط صحيفة روشا يقول *ارتدي لبس خمسه واجتمع بالكوكي *وارتدي دي راجعه لي كردنه *لبس خمسه مره واحده يا روشا ؟؟؟ *لبس خمسه ومازيمبي في البلد يا فطومه ؟؟؟ *لبس خمسه مرة واحده ؟؟؟ *قولوا لبس اربعه يا ناس *لبس خمسه تاااااني ؟؟؟ *اقول ليكم لعبوا الشغيل *الشغيل ماموقوف *الناس تشابه عليها بقر تلاته وعشرين وسبعه وعشرين *ففيصل موسي الهادئ المسكين البقع بي سبب وبدون سبب *لعب عشرة دقائق *وفي الكورة التانيه ربع ساعه اخد كرتين *لكن الشغيل الواعي لعب كل المباريات واخد كرت واااحد *مع اتير في المغرب *وماكان بستحقو *حركات من الحكم ساي *وشوهد الحكم بعد المباراه في محل اتصالات بالمغرب بمسكل لي جمال الوالي *الشغيل برئ يا بيه *بس انتوا لعبوهوا *لو لعبتوهوا والكاف قال اي شئ *امشوا لوزان *بتعرفوا دربها كويس *بس المره دي لموا حق المحامي من بدري *ايها الناس *الشغيل مبسوط مني *اقصد الشريف مبسوط مني *اغنيه اختفت من الساحه *ياربي الشريف خلي الانبساطه ؟؟؟؟ *بس انتوا لعبوهوا *المهم *قالوا ناس مازيمبي جوا بي طيارتهم الخاصه *ووقفوها في المطار *وغسلوها برااااهم *دقوها ليك صابون زبادي لمن عرفت حاجه *وقفلوها ومشوا الفندق *جابوا معاهم مويتهم وشرابهم *وجبنتهم ولحمتهم *قال ليك جايبين معاهم مارتديلا ككو من امها *وسجق مرفعين مبهر *جااااهز للنار *وشوربة ابو القدح قدحتها فيها ربع توم *بي بصل المكاده يا عمك *وجايبين معاهم اورنيك شكوي مختوم من الاتحاد الافريقي *سددوا رسوموا بالايصال اللالكتروني *جابوها لي شنو ماعارف *يمكن متوقعين الهلال يشرك فيصل موسي الموقوف *كلابا في التمرين غلط *الكوتش هرشو وقال ليهو *اسي لو عملت الغلطه قدام الشغيل نطير يعني ؟؟؟ *كلابا طلع ليهو الاورنيك وقال للكوتش *طالما ده في عوجه مافي يا كوتش *وضحكا بالهولندي والاسباني والسواحيلي *كديابا ضحك معاهم بالرطانه * المهم *قال ليك واحد تطواني كلوما فريقو يتغلب بشاكل مرتو *مرتو مربيه ليها سواسيو *من الشكله تقوم تلملم سواسيوا وتمشي اهلها *بعد كم يوم يصالحوها اهل الخير ويرجعوها *اها قال ليك صاحبنا التطواني بقرأ في جريدة روشا بصوت عالي *قال *مازيمبي يصل البلاد لمقابلة الهلال *السواسيو براهم مشوا دخلوا الكرتونه *عرفوها *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *الايصال الالكتروني حاكينا *لي اسي نمشي لقضاء خدمه وكأننا ما جينا *ونرجع لي بيوتنا  يا والينا *كأننا ما مشينا *الايصال الالكتروني ده موش من النمل بحمينا ؟؟؟ *بحصل شنو لو كلو نمله اختلست عيشه مما يلينا *حقوا تشوفوا ليكم ايصال للبشيل شوال العيش كلو يا والينا *البتشيلو النمله مابفرق علينا سلك كهربا ننساك كيف والكلب يضحك قال لينا تكابسوا في البلمها النمل ؟؟؟شوفوا البوطاها الفيل والي لقاء سلك

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.