بسم الله الرحمن الرحيم
في السلك

*بلاتر فاز
*لا تعليق
*المهم برغم كل ماحدث
*بلاتر فاز
*وبرغم كل ماحدث
*برضك بلاتر فاز
*يبقي عندك واحد بلاتر وصلحوووووو
*ايها الناس
*انا كنا نتحدث عن فساد النظام الكروي العالمي
*حق نمد كرعيننا قدر لحافنا
*ونتحدث عن فساد من عدم فساد النظام الكروي  الداخلي
*بعدين نمرق لي بره
*ايها الناس
*انا اؤمن بان الديمقراطيه في مجتمع لا يعرف قدر الممارسه الديمقراطيه  
*افضل منها  اي حاجه بس ما الديمقراطيه
*اي شئ تاني الا الديمقراطيه
*فنحن في مجتمعنا الرياضي لانعرف الممارسه الديمقراطيه
*او قل نعرفها ولكن لا نمارسها اطلاقا
*فمن يحشد الناس لصوت يكون حشده لتلك الاصوات ممارسه غير ديمقراطيه
*ومن يشتري الصوت ويبيعه يناسبه السوط اكتر من الصوت
*ايها الناس
*بربكم
*هل  نجزم بان الناخب في انتخابات الاتحاد العام مثلا
*هل يقوم بالادلاء بصوته لمن يختار بعيدا عن اي دوافع فساد ومصالح شخصيه ؟؟؟
*هل يكون الصوت لمن يحقق التطور والنمو لمشروعنا الكروي ؟؟؟
*هل من يمثلون الاتحادات المحليه الذين اتوا ليختاروا اتحادنا العام مثلا
*هل معظمهم اتي علي كراسي اتحاداتهم المحليه الولائيه نتيجة عملية ديمقراطيه سليمه ؟؟؟
*الموضوع ده داير بحث
*وتنقيب
*وحفر
*وتمليك الجماهير للحقيقه
*لاننا اذا كنا نريد تطورا كرويا
*يجب علينا ننظف القواعد
*والقواعد عندنا هي الاتحادات المحليه
*ونظافتها تكون بالتاكد من صحة الممارسه الديمقراطيه عند لعبة الكراسي
*ويتم ذلك بالطبع عندما نضمن اداراة الانديه التابعه لتلك الاتحادات والتي يحق ليها التصويت
*ان نضمن انها اتت بصورة ديمقراطيه وصحيحه
*وان من يمثلها يستحق ذلك الشرف
*وان دوافع الادلاء بصوته هي المصلحه العامه فقط
*اذا ضمنا تلك الاتحادات
*بالطبع نضمن صحة العمليه الانتخابيه لاختيار الاتحاد العام
*ولنا وقتها ان نتمشدق و(نتحنقط ) ونخلف رجل علي رجل لنقول
*اعتقد وافتكر والحته دي
*ايها الناس
*اذا قمنا بمراجعة ادارات الانديه في جميع انحاء البلد
*في كل الدرجات
*نجد ان الممارسه لدخول تلك الادارات هي بداية لفساد للنظام الكروي
*لا اقل كلها
*ولكن غالبيتها
*يبقي حقو من تحت نبدأ تصحيح البنيان
*ونمشي لي فوق
*لاعلي الدرجات
*لو صححنا التحت
*البجي نتجة اصواتهم
*بجي زول يستحق
*ولما يدلي بصوتو
*بجيب لينا البستحق فوق منو
*وهكذا الي ان تحترمنا الدوله كوسط رياضي ديمقراطي نزيه
*ويتحقق مشروعنا الكروي
*قصه ولسه
*لكن حقو نبدأ من اسه
*ايها الناس
*اكتب وانا ماشي للنادي الالماني
*ندوة منتدي النيل
*مبادرة توحيد الخطاب الاعلامي لدعم القمه
*موضوع جميل وعاقل
*بس عشان يمشي كويس
*اول شئ اخوتنا الاهله يجوا يعترفوا بانجازنا الافريقي
*طبعا اعترافهم لا يغير في الواقع شئ
*لان الاتحاد الافريقي والتاريخ والواقع
*يعترفون جميعا بتفرد المريخ افريقيا وتميزه عن عموم اندية السودان
*حقيقه شامي لي ريحة مطار
*وعشان ما نضيع الجهود في فارغه
*وعشان نتفرغ للمطار
*حقو ندعم المبادره
*الشرط الاساسي اقتناع الطرف الآخر بالموضوع
*لاني شايفهم ليهم كم يوم
*كلامهم كلو النادي الالماني
*رئيسو جمال الوالي
*والمبادره عاملله جمال
*وقصص لا تقدم للامام
*اذا الطرف التاني فهم وقدر المبادره
*نحن لها
*ونمد ايادينا صفراء فاقع لونها تسر الناظرين
*واذا الطرف التاني اختار طريق تاني
*لكم دينكم وليا دين
*وتبدو وقتها عيوننا حمراء تلهب الدنيا حماسا
*ونمشي مطارنا
*المهم
*قالوا بكري حايوقفوهوا
*وقبل كده قالوا طمبل حايوقفوهوا
*وقفوا طمبل اول
*وبعدين تعالوا لي بكري
*لوزان يا عمك قال ليك اليومين دي
*اوامر قبض سااااااااي
*اعملوا حسابكم
*انعم ببرطعه يا بكري لمن تقول كفي
*وبكري جاري
*والجماعه جاريين لوزان ورا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*برغم المعطيات مصر المدارس تفتحها لينا ؟؟؟
*كر علينا
*يانا الماقرينا
*كر علينا
*السحائي بختها لينا
*كر علينا
*ماعندنا في الفصل مروحه تلف فوق ريسينا
*تفتح منتصف يونيو صباحا يا والينا
*الدفن منتصف يونيو عصرا يا حليلنا
سلك كهربا
ننساك كيف والمدرسه ورمضان والخريف كلهن في الصيف
والي لقاء
سلك

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.