بسم الله الرحمن الرحيم
في السلك

*الاهله ما بعترفوا بلاعب طالما كانت النجمه علي صدره
*اول من المريخ يستغني عن اللاعب
*يشبكونا ليك لعاب وما بنشطب
*واذا رجوعوا بالذاكرة شهرين تلاته
*تلقاهم بقولوا عن نفس اللاعب ماعندو شئ
*الادله كتيره
*خرجت من حناجرهم
*وكانت مانشيتات في صحفهم
*بل وعناوين لاعمدتهم
*الشعب يريد اخراج الشغيل
*الليله بقي الموهوب المقاتل اللعاب
*ولسه
*اقيف واسمع
*ماقابلني هلالابي شكر عنكبه
*من جاب فيهم قون الدرون بتاع الخرطوم تلاته في استادهم
*كرهوهوا اكتر
*اليومين دي كلامهم كلو عنكبه مظلوم وعنكبه مامفروض يعار
*والغريبه تباكيهم علي كوفي
*ماحصل شكروهوا
*بل كانوا بكرهوهوا
*من يوم عكس لي بكري القون الاول في عزام
*والزول ده بقي ما زولهم تب
*وجا كملها بالبلنت العملها مساوي والحكم صهين منها
*كرهوهوا اكتر
*اسي كلامهم كلو كوفي ما بنشطب
*ياخ ديل
*ماشكروا ايداهور الا بعد مات
*كان متور نفسهم
*وبعد ده ما اعترفوا ليهو ولا اعترفوا بيهو الا بعد مات
*عايتو لو الاهله شكروني
*حا اشك في مريخيتي
*ياخ ديل ما بشكروا جمال الا بعد يقدم استقالتو
*حيرونا
*ولي اسي ماشكروا مانديلا
*تاعبهم تعب شديد
*السبب في احساس الدونيه والحسد الذي يتملك الكثير منهم
*لو ما مانديلا وريحة المطار
*الحساده ما كان وصلت الدرجه دي
*ابراهومه بتاع الاشبال
*ماحصل شكروهوا
*بمجرد ما سمعوا انو عندو مشاكل مع المريخ
*الشكر وقع قرش ونص
*بل الوهم كمان عشعش في ريسينهم
*قالوا حايسجل ليهم
*قلت لي الشعب يريد اخراج الشغيل يا محمد عبدالماجد !!!!
*ايها الناس
*البرازيلي المعرس وبي اولادو ده ماسوره
*وصدقوني شهر اطناشر حاتشوفوا في الواتساب الاسره الكريمه مارقه من البلد
*الاسره الشفتوها امس دي
*حدها شهر اطناشر
*والمضحكني
*قالوا صديقي عماد الطيب قال البرازيلي التاني هو احد افضل ثلاثه هدافين في الدوري البرازيلي  في المقاطعه البلعب فيها
*يعني بالعربي كده زي ماتقول احد امهر تلاته هدافين في ولاية نهر النيل مثلا
*او احد امهر تلاته هدافين في ولاية من ولايات دارفور الخمسه
*موش في الولايات الدارفوريه الخمسه
*في واحده فيهن بس
*الاربعه الباقيات مامعاهن
*اذا دخلت الاربعه الباقيات
*ببقي من امهر خمسطاشر هداف في الولايات الدارفوريه الخمسه
*هو الولايات كلها فيها كم هداف ؟؟؟
*غايتو الدايرين يشكروهوا بشكروهوا
*وعمده زاتو حايكون متصور شهر اطناشر في الاتحاد لانهاء عقد نفس البرازيلي
*امس محمد عبدالماجد ضحكني شديد
*كتب المريخابي شاف الطيارات تشيل وتنقل في البرازيليين
*قال ناس الهلال ديل لو ادوهم (48) ساعه بجيبوا نيمار
*يا حماده
*المريخابي كمان المطار بخلعوا ؟؟؟
*المريخابي شاف الطياره طايره مطلعه علم المريخ بي بره
*تاني البخلعوا شنو يا اخوي
*المريخابي شاف الطيارات تنقل تلاته سيكافات وجوبا ودبي والشارقه ومانديلا
*بتخلع عاد تاني
*انتوا الطيارات غير تجيب وتودي في المواسير بتعرفوا ليها شنو ؟؟
*جايبنوا بالطياره وبايعنوا بالخساره
*الطيارات ما بتخلع مريخابي
*المريخابي ريحتو مطار مطار
*ما طير طير يا حماده
*تاني ما تجيب سيرة طيارة ومطار
*بضحكوا فيك
*ولو رايح ليك مطار يا اخوي
*اقيف بره جمب جاد مع امجاد
*ايها الناس
*كثرالكلام حول الاحلال والابدال
*وكلنا نظرنا
*وكذلك تحدثنا عن موقف المريخ من تراوري
*وموقف تراوري من المريخ
*في التنظير والكلام حاضرين
*لكن في الكشكوش كأننا ما سمعنا بالموضوع
*جمال لسه هو الداعم والدافع والمسدد الوحيد
*اين نحن من دعم المريخ
*اين مشروع 2870 يا ادروب
*وهل قام الاخ ادروب بفتح حساب بالعمله الصعبه لمريخاب الخارج ؟؟؟
*وهل ضغطنا نحن علي ادروب لنستعجل الدعم ؟؟؟
*يبقي في النقه اسيادها
*وفي الدفع كأننا ما سمعنا
*عرفتوا السبب الخلي جمال يصر علي الاستقاله شنو ؟؟؟
*طيلة اطناشر سنه
*منو الشال الشيله مع جمال من اعضاء مجلسه ؟؟؟
*بالتأكيد قله ومره او مرتين
*وان كان عبدالصمد قد خفف الكثير عن جمال
*الا ان الراجل برضو تعب شديد
*خلونا من التنظير الكتير
*الكاش بقلل النقاش
*وحقو نفكر في طريقه للدعم السريع جدا
*فهل يوجد فينا حميدتي يدق صدرو ويقول انا لها ؟؟؟؟؟؟
*المريخ داير حميدتي
*ايها الناس
*البقت بقت
*الفضل لينا الوقوف مع لاعبينا
*هم اسلحتنا
*نقاتل بها
*اثناء الحرب بنعرف منو سيف العشر
*نجدعو ونواصل حربنا بسيوفنا التي اوصلتنا للمجموعات
*بالذات والقائد الحربي المستر غرزه خبير حروب قدييييييييييييييييييييم
*الاخ سامر
*بمناسبة ناديك يناديك
*لما فتحوا التبرعات بنادي الهلال
*الغريبه النادي فاتح للتبرعات ومغلق امام رواده للصيانه
*المهم
*في التبرعات اتخيل لي كردنه قاعد زي الابو الساق اولادو الملاهي
*يغمت لي الشافع
*ويقول ليهو امشي ادفعها بي اسمك
*ويتخيل لي في ناس مشوا بيها بي غادي
*مشوا محل الساقيه
*وفي ناس دخلوا بيها بيت الاشباح
*ماتسمع كلام شجرابي اخوي ده
*شجرابي بكتب حسب امنياتو
*ده يوم حايكتب ليك عن الهلال لما شال كاس مانديلا
*تهي تهي تهي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كوفي غالي علينا
*والحكومه ابت تجنسوا لينا
*وعلي الرغم من ان كوفي غالي علينا
*لكن قرار الحكومه كان زينه في زينه
*لانو بوقف الفوضي  العملها التجنيس فينا
*وفيهو اعتراف بالتحايل علي قرار الاتحاد وقتها لما  لي عدد الاجانب حدد لينا
*الاجانب تلاته قال لينا
* قمنا طلعنا بالجنسيه وجرينا
*بقوا دسته في نادي واحد يا والينا
*واذا استمر التجنيس
*حاتلقي الاعبين اجانب
*والجمهور هو سودانيينا
*قرض علي كده يا والينا
سلك كهربا
ننساك كيف ولو مشينا كلام شداد زمان كان استفدنا
والي لقاء
سلك
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
///////