بسم الله الرحمن الرحيم
في السلك

*نواصل موضوع امس
*قلنا الناس البتحقد من باب تنتقد موضوعهم مكشوف من بدري
*اي شئ جائز الكلام فيهو
*الا معرفة المريخ لدور الاشبال والاهتمام بهم
*فحقو من يحقد من باب ينتقد يشوف ليهو باب آخر غير الاشبال
*ايها الناس
*ايهما افضل
*ابراهومه ام وليد علاء الدين ؟؟؟
*طيب لماذا التباكي علي وليد علاء ؟؟؟؟
*في مقابلة المريخ والهلال علي كاس السودان والممتاز
*لعب ابراهومه وبخيت خميس اساسيين ضد الهلال
*فهل شارك الهلال باشباله ضد المريخ ؟؟؟
*وايهما اصغر سنا
*محمد عبدالرحمن ام بخيت خميس ؟؟؟؟
*وكيف يكون المريخ غير مهتم باشباله
*وهو بطل الاشبال والرديف الموسم الماضي ؟؟؟
*بربكم كيف تحكمون !!!!
*ايها الناس
*معروف ان اهل المريخ هم اول من اكتشف الفائده من الاشبال
*والمريخ هو النادي الاكثر استفاده من الاشبال
*واسألوا حاج صبير
*صعدنا من الاشبال علي سبيل المثال
*ابراهومه وخالد وادوارد وجندي وصديق العمده وقورماهيا وحاتم محمد احمد وطارق ابو القاسم وعادل عطا ويس الحارس
*وهل صعد الهلال من اشباله غير كرار ابو علي وعاكف عطا ؟؟؟؟
*كيف تحقدون
*اقصد كيف تنتقدون !!!!!
*والان باشبال ورديف المريخ مواهب شابه في السن القانوني
*ارددها في السن القانوني
*مسجلين بشهادات الميلاد الحقيقيه
*امثال نمر وحسين ويوحنا ومصعب وزرديه وميسي
*فكيف يكون مستقبل المريخ من الناحيه دي في خطر ؟؟؟؟
*ايها الناس
*ابو الهل حاول اصلاح الحال بتسجيلاته الاخيره في كشف الرديف والاشبال
*يحاول اللحاق بالمريخ
*فكيف يكون من يحاول اللحاق افضل من الذي يحاولون اللحاق به ؟؟؟
*ايها الناس
*قصة الهلال يشرك وليد ومحمد عبدالرحمن ومعتصم واطهر
*ليست من اجل تقويتهم بقدر ماهي تغطيه علي كوم المواسير التي اتي بها الكاردينال ورفاقه
*تلك المواسير المستورده والمحليه
*فكنا نشرك ابراهومه ونضع فيصل موسي علي الكنبه
*وبديهي ان يواصل فيصل ماسوره في الكنبه ليشارك وليد
*ليست بدعه ولا فكرة جديده
*ولكني اسأل سؤال
*بربكم اكبر سنا اوكرا ام محمد عبدالرحمن يا من تنتقدون من باب يحقدون !!!!!
*قارنوا بين رمضان وبشه
*فعندما كان رمضان لاعبا بناشئي المريخ
*كان بشه نجما بالمورده
*قارنوا بين فيصل موسي وبخيت خميس
*اجزم بان فيصل في كسلا كان الناس يعرفونه وبخيت شايل شنطتو ماشي المدرسه
*قارنوا بين جمال سالم وماكسيم وجمعه
*اضرب عمر جمال في اربعه يساوي عمر مكسيم مضاف اليه عمر جمعه
*قارنوا بين سن امير كمال ومساوي
*قطعا ستجدوا ان عمك كمال لعب مع مساوي
*يبقي قصى اشبال وصغار سن دي
*يا ممارسة للحقد من باب النقد عند البعض
*او تغطية علي المواسير التي جلبها الهلال من جوه وبره عند البعض الاخر
*واتحداكم اعملوا متوسط للاعبي المريخ وللاعبي الهلال
*لو مالقيتو الفرق عشره سنين لوموني
*في المريخ مافي زول اكبر من نظيره في الهلال الا في التدريب
*غرزه كبير
*واكبر من الكوكي
*في سنه وفي خبرته وفي مؤهلاته وفي فطنته ومكره الكروي
*وعلمنا ان شهادات كابتن مصطفي النقر التدريبيه اكعلي من تلك التي اتي بها الكوكي
*ايها الناس
*لسه الناس بتتكلم عن الاستقالات
*لكن الرأي عندي
*عند تقييم فترة جمال
*شوفوا ناس الهلال بعد تقديم استقالة جمال
*الاهله كانوا بهنوا بعض باستقالة جمال
*اليس هذا اعترافا بنجاحات الرجل ؟؟؟؟
*عكس المريخاب
*لما جا الكاردينال فرحنا
*والاهله يفرحون عند ذهاب جمال
*فرق
*المهم
*هناك هنات تحتاج لعلاج في قطاع الشباب بالمريخ
*ولكن هذا لا يعني فشل التجربه
*بل هي ناجحه نجاحا كبيرا
*ايها الناس
*الترجي احسن استقبالنا
*يجب ان نحسن وداعه وهو ذاهب للكونفدراليه
*قون من بدري من بكري
*الموضوع ينتهي من خمسه الا ربع عصرا
*نعلن صعودنا والشمس بره
*نعلن دخولنا للمجموعات من باب سويقه
*موش من باب سنط متكول بي حجر قافل وهو مفاتح
*ممكن تدخل منو بدون ما تفتحو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الفلس ما مخلينا
*تفتحوها علينا
*ولا برانا نفتحها علي روحنا يا والينا ؟؟؟؟
سلك كهربا
ننساك كيف وسخانة الجيب شعللت دايرالها همبريب يا حبيب
والي لقاء
سلك
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.