بسم الله الرحمن الرحيم

 

في السلك

 

          ناس كتااار احتجوا علي توزيع المقاعد في المقصوره

          دايرين نشكها تاني ونوزعها

          لكن الجواكر مابتتشكه ولا بتتوزع من جديد

          انا والوالي وهيفاء

          في محلاتنا

          ونوزع الباقي

          ماتفرحوا 0000

          اعادة التوزيع للصفوه بس

          من قلنا دايرين نعيد التوزيع طوالي ود عبدالماجد نطط عيونو

          انتوا يا اخوي في الشاشه الغشاشه

          ماعارفينها شاشة شنو ؟

          الشاشات الحايوزعوها علي الميادين العامه والملاعب الماهامه

          واحده في ميدان عقرب ببحري

          وواحده في ميدان بعشوم بحي العرب

          وواحده في ميدان دبيب بالحاره 1253

          المهم

          قبل مانكمل اعادة التوزيع اتصل بينا الخال يوسف احمد يوسف

          وهو بالمناسبه خال مزمل لزم

          وطبعا الولد خال

          عشان كده مافي داعي اقول ليكم خالو يوسف صفوه

          المهم الخال قال داير يقعد مقصوره

          قلت ليهو بيتك ومطرحك ياخال

          لكن داير تقعد وين

          الخال عاين لمزمل وسكت

          كررت السؤال

          الخال داير يرد لكن مابرد

          كررت السؤال

          الخال قال لي انا خال مزمل لزم ومتزوج عمة مزمل لزم

          قمت عرفت ليه الخال ماداير يختار قدام مزمل

          قلت ليهو ياخال في مكان فاضي جمب ناس ليلي علوي

          الخال قال لي موافق 000 لو كرسي نص ماعندي مانع

          مزمل عمل روحوا ماسامع

          المهم حانغير القعده

          نقعد زي مادايرين

          بيتنا ومطرحنا

          امس قابلت الاخ الازرق محمود ود الثوره

          ولقيتوا زعلان من عباره كتبتها في عمود سابق

          قال حاااره عبارة امشوا استحموا

          قلت ليهو يامحمود ليس المقصود كما فهمت يا اخي

          المقصود عظم المناسبه والاهتمام بها زي العيد

          وعشان ماتزعل والاهله مايزعلوا نحنا نستحمه ونجي المقصوره

          وانتوا استحموا وامشوا الشاشه الغشاشه

          ولو زعلانيين ماتستحموا امشوا الشاشه الغشاشه طوالي

          هي شاشه في ميدان بعشوم دايره ليها حمام ؟

          سمعنا تحت تحت قالوا الحاجه ورده الجزائريه جايه

          والسبب ليس المباراه

          ولكنها تبحث عن لحن لدي الموسيقار علي احمد

          نحنا خلونا مع علي واحده ونص

          يا حضري 000 ارقص

          نتمني مباراه تولد الغيره فينا وتكون سببا مباشرا لنحلم باللعب في كأس العالم

          الشحن بين الاخوه الجزائريين والمصريين لاخاسر منه الا الامه جمعاء

          الرياضه ايها الاخوه يجب ان تقرب بين الشعوب

          ولكن ان كانت سببا لعراك واعتراك الاخوه فلا داعي لها

          ماقام به جمال الوالي لم تقم به جامعة الدول العربيه

          جمال جمع البعثتين في اناء واحد

          بقي بينهما ملح وملاح

          يعني خصام لأ والف لأ

          تعالوا نمتص تشنج الاخوه من البلدين الشقيقين لندهش العالم من جديد

          الاخوه الاهله برضكم تعالوا

          انتوا مابتجوش ليه

          التذاكر غاليه !

          خلوا الكاردينال يقصدها ليكم زي الحافز

          يا بختك يا ابو تريكه ستلعب علي ملعب لعب عليه كمال عبدالوهاب وفيصل العجب

          لو كنت مكانك يا ابو تريكه ساعتزل طوالي واحافظ علي ريحة العجب في الشعار

          احدي الفضائيات المصريات وجدتها تصور القلعه من الخارج

          ابسط ياعم

          احمد بدير قالوا ليهو موش حاتمشي السودان !

          قال ليهم خايف امشي اتلخبط مع سلك اقعد انا هناك ويرجع هو مصر

          تعال يا ابوحميد سوداننا مابنفات

          فيهو بترول ومريخ وصفوه

          افوتوا امشي وين

          سميه الخشاب جات شايله معاها موية صحه في قاروره

          قلت ليها مويتك دي ماشويه !

          قالت لي دي تشربني شهرين

          قلت ليها يادوب عرفت النيل جاري عليكم سريع كده ليه

          وبس جاني بسبوسه 00قالت شنو 000 قالت شنو ؟

          الخوف علي الشاشات من الميادين العامع والماهامه

          تقوم تقرص الشاشه عقرب ولا يعضيها بعشوم وندخل مع الاتحاد الدولي في حرج

          اسلام قالت لي التصليح الجديد ده عملوا منو ؟

          قلت ليها جمال

          قالت لي والزلط

          قلت ليها جمال

          قالت لي والكراسي الجديده

          قلت ليها جمال

          والعزم البعثات

          قلت ليها جمال

          قالت لي عمو جمال يجقلب وناس الكاف يشكروا الاتحاد

          قلت ليها جمال

          كورينا قال من بعيد مابشوف

          جبناهو قدام

          جمب ناس الخشاب

          قال لي دي منو ؟

          قلت ليهو الخشاب

          قال لي انا من زمن المدرسه بقع لي القلم الخشابي

          خايفين نجيب هيثم كابو معانا في المقصوره يقوم يزعجنا باللقاءات الفنيه

          كابو 000 طابق شاخور ياخوي

          منه شلبي قالت لي فريقكم وين ؟

          قلت ليها نحنا صعبين مدربنا قسطنطين لوقابلناكم بنديكم سته الشمس بره

          قالت لي خلي الطابق مستور

          قلت ليها ده طابق شاخور ما طابق مستور

          طابق مستور ده في الضلمه ديييييييييييك

          سميناهو طابق مستور عشان مابتشاف

          انت قايله يامنه الجماعه ديك اصروا الكوره تتلعب في استادهم ليه !

          قالت لي ليه ؟

          قلت ليها ماعشان الطابق الخفي الماظاهر دااااك , ناس الفيفا ماشافوهو عشان كده رفضوا ليهم مناهم يامنه

          قالت لي وعشان الطابق خفي سميتوهو الطابق مستور

          قلت ليها ( كج )

 

سلك كهربا

 تعالوا ماتخجلوا 00000

والي لقاء

سلك