بسم الله الرحمن الرحيم

 

في السلك

 

 

 

·        الحتانه اتملت يا رجاله بالانجليزي

·        هارت لاند زاتو جا الحتانه

·        وطبعا مازيمبي نحنا في سيكافا مرقناهو برضو في الحتانه

·        يبقي ماحدش احسن من حد

·        لكن الزعيم يتفوق بالجويات

·        والماعندو قديم ما عندو جديد

·        مازيبي كاسو برضو ما جوي

·        حلاة الكاس لما الجماهير تحتفل في الشوارع

·        وتاني يوم تمشي المطار

·        تستقبل الابطال

·        والطياره تنزل علي راحتها

·        تحتها الجماهير تتدافع

·        ينططوا زي الحملان الامهم جات من المرعي والضرع ملياااان في

·        يرضعن

·        يفرحن

·        حلاة الكاس الجوي

·        وطبعا ده شعور ما بعرفوا الا الزول العاشو

·        وطبعا ما بفهموهو الجماعه الماعاشوهو

·        عشان كده قلنا ليكم اجروا ود ابرق يجيب ليكم الكاس من عطبره بالجو

·        او اقول ليكم شيلوا الممتاز واجدعوهو فوووووق  ونطوا امسكوهو وقولوا جوي

·        بنعتمدوا ليكم

·        يا سلام علي الاحساس بالبطولات الجويه

·        خالتي بت خالتها ما انعم الله عليها بالخلف

·        قالوا خالتي رسلت ليها جواب كتبت فيهو انشاء الله تضوقي جغمة المديده وتسمعي دقة الحديده

·        وتقول لي دقت في الحديده وقاب قوسين او لاراش ؟

·        عرفتوا اللاعب الكتب الجواب وقال تعبااااااان , ماداير الناس ديل , داير العب في المريخ

·        الجواب النشروهو في صحيفة الزعيم العملاقه

·        ماعرفتوهو ؟

·        اوريكم ليهو

·        اول حرفو

·        ده منو النطط عيونو ده

·        مابوريكم ليهو

·        خشمكم خفيف

·        لكن اقول ليكم نتقابل في شارع البلديه يوم التوقيع وحا اقول ليكم ياهو داااااك الشايلنو الصفوه دااااااك

·        انتوا كابوندي وين ؟

·        انا زي اللمحتو دخل ملح كورة مازيمبي وهارتد لاند

·        الدعيع وين ؟

·        حتانه اتملت

·        السنه الجايه المقيل في حوض السباحه بتاعنا

·        اقعدوا قيلوا لما نمشي نجيب الكاس بالطياره ونجي

·        لو الوالي ذهب دون ان يحقق الزعيم بوله جوووويه

·        ولو العجب اعتزل دون ان يحقق للزعيم بطوله جوووويه

·        يبقي الزمن ظلام

·        جمال وفيصل

·        ثنائي انجاز يجب ان يتحقق له الاعجاز

·        طول بالك ياوالي وقرط علي كده

·        كل الكاسات تجيك تجرجر اذيالها

·        لا للمخدرات

·        ناس كتار ماتوا بسبب الافراط في التخدير

·        لا للمخدرات ناس كتار ماتوا مخدرين

·        لا للمخدرات ناس كتار فاتوا بسبب المخدرات

·        اخطر انواع المخدرات هي التي ينتجها لسان البني آدم

·        احمد عادل وين ؟

·        قال لي اللال مافيهو شطب كتيير

·        قلت ليهو صاح الشطب بس زرياب واحمدعادل وسولي وامبده ونعيم الدنيا والحارس التالت وكابوندي ( ود الحله ) وايفوسا وامبيلي

·        قال لي اقيف

·        ولو ماقال لي اقيف كان بعد لي اسي

·        قال لي اقيف ديل تسعه وشداد قال الشطب سبعه

·        قلت ليهو ومالو , شداد قال مجنسين ومحترفين  خمسه انتوا عندكم سته وشداد عارف

·        قال لي منو السته  ؟

·        قلت ليهو سولي وايفوسا وباري وكابوندي وسادومبا وامبيلي

·        قال لي ودي كيف بقت ؟

·        قلت ليهو زي ما ضربة مرمي زيسكو البقت بقدرة قادر كورنر

·        وزي ضربة الكوره في ضهر مدافع كانو وبقدرة قادر بقت بنلتي

·        وزي اول اغسطس المرق ماعارف الحاصل شنو

·        وزي تمبوناقص البهرج لي اسي

·        وزي ضربات جزاء كتاااااار

·        قال لي والحاصل !

·        قلت ليهو الحاصل هارتد لاند في الحتانه

 

سلك كهربا

              نقول ليكم راجينكم في الحتانه تجيبوا الناس كلها وتجوا !

والي لقاء

سلك