بسم الله الرحمن الرحيم
في السلك
• ماتقول لي مطره
• اهلي مدني لعب في الشتاء ؟
• ماتقول لي ظروف طبيعيه
• ماتقول لي ظروف وتعدي
• وماتهتموا للايام
• بنهتمه
• مافي اي عذر
• مكنه نربطها ساي نبرر بيها الحاصل ماخليتوا لينا ليها طريقه
• احرجتونا مع البسوي والمابسوي
• تخيل واحد مابسوي قال لي مدني نفر مدني نفر
• اول مره ما اقدر ارد
• الله يجازي الكان السبب
• ماعافي ليكم
• معقوله
• وارقو ايداهو كلتشي لاسانا الدافي يقدمون فروض الولاء لخليل امبده وعبد الرحمن النسور
• مع احترامي للجميع
• امبده !
• تخيل
• السبب شنو ؟
• الموت مامبرر كافي للبحصل ده ولايمكن ان نقبله سببا
• الزعيم يفشل في احراز هدف في ثلاثه مبارايات علي التوالي
• وضد فرق ضعيفه فنيا وماديا
• ماتقول لي دجل
• ده دلع سااااي
• من يملك كامري 2009 معقوله يتمرمط في الطين ؟
• اكيد مامعقول
• لكن المعقول يمرمط سمعه الفريق الذي يمثل له ولي نعمه وفي الطين
• اذا حضرت تمرين المريخ تشاهد في موقف سيارات اللاعبين كامريات وكورولات وبرادو
• الواحد يجيك نازل من العربيه يقدل
• يحسبه الظمآن ماء
• وبعد داك نكتشف ان السياره فقط هي المدهشه وان من يركبها يلتصق بها ليكون مرتبطا بالادهاش
• يا والي
• المال يجري دون حساب في ايادي لا تكلف نفسها عناء الانتماء للنبع الدولاري
• يا والي
• كل شئ متوفر في المريخ الا العين الحمراء
• قبل ان يقبضوا الكاش يجب ان يؤدوا بالصوره التي توقف النقاش
• حاسبوهم
• اخصموا من المتقاعسين
• فهناك عقود احتراف تربطهم بالنادي
• من لايعمل بتفاني فاليذهب والكل فاني
• لاساني فاني
• حتي انت اتعلمت عدم البالاه ؟
• من عاشر قوما
• الصفوه ايضا مشاركه في اسباب النكسه
• الصفوه تنسي ووتصالح بسرعه
• ايها الصفوه
• العين الحمراء
• حتي ولو وصل الامر بنا لمقاطعة مباريات هؤلاء الباشوات
• الذين لايعني الزعيم لهم سوي صراف آلي كبير في الشارع الرئيسي قبالة الاحفاد لايعنونا كثيرا
• وقالت الصفوه كلمتها يوم اتراكو عندما رردوا 00 دايرين حقنا 00 دايرين حقنا
• برج الفاتح
• معقوله
• انا واسماعيل ومزمل وابو شيبه لو نمنا في برج الفاتح يوم واحد كان هزمنا اتراكو والهلال واهلي مدني علي اقل تقدير وفاءا وعرفانا للرجل الذي تكفل بسداد الحساب
• خجله ساااي ما بتخجلوا
• احرجتونا
• كان مابتخافوا علينا خافوا علي اطفالنا
• رادان !
• مدرب الاهلي عاكف عطا
• مع احترامي لعاكف عطا
• يعني عاكف مدرب سباحه ؟
• اذكر ان كروجر هزم الاهلي في الدوره الاولي لربعه صفر
• هذا للتذكير يا اعداء البرموده
• ابينا البرموده
• وقعدنا سااااي
• ماصرفه الوالي عليكم لو وضعه كوديعه استثماريه لاستفاد علي اقل تقدير من بقاء راس المال في مكانه
• سكتنا كتير
• خالتي ام الدره قصت لي قصة الزوجه الطالبه الطلاق
• سبحان الله 
• وبقت علينا قصة الزوجه الرجعت بيت امها ومعها ثلاثه اطفال وقالت قنعت من الراجل ودايره الطلاق وتاني ماراجعه ليهو
• امها قالت ليها بكرتي ما فكرتي , تنيتي ما اتأنيتي , تلتي واتوكرتي , قومي علي بيت راجلك
• بعد ده مع رادان ده تلتنا واتوكرنا
• بالطريقه دي حانشوت عكس كتير
• فكوووووونا يا بهوات
• ونواصل
سلك كهربا
              حسين العوير عمل سبيل جاب ليهو خفير , يمنع اي زول من الشراب 0000 انت فين ياحسين
                                        والي لقاء
                                                سلك