* عليكم الله اسي دي عمليه دي !!

* لاحولة ولاقوه الا بالله

* اسي نقول نحنا صفوه تزعلوا

* عرفتوا ليه بنقول نحنا صفوه ؟؟؟؟

* معقوله !!!!

* لاحولة ولاقوة الا بالله

* المهم

* بتابع في القناة الرياضيه التونسيه

* اسلام قالت لي قالوا شنو ؟

* قلت ليها قالوا مدرب الترجي حايصحح الاخطاء في مباراة الرد

* قالت لي سجمنا , لو صحح الاخطاء يابابا التمانيه اقوان الانفراد الضاعت دي كلها هناك مابتجي كلها

* قلت ليها الله يكضب الشينه

* اها

* قالوا الجماعه معتصمين عندهم مطالب

* حل الجهاز الفني

* حل الجهاز الطبي

* حل عقدة الترجي

* لكن عمليتك ماظريفه وحرتك جبانه

* معقوله !!!

* لاحولة ولاقوة الا بالله

* ايها الناس

* المهم

* امس في عالم النجوم لقيت كلام غريب

* قالوا الحكم لم يحتسب بدل البلنت اتنين

* ياربي هو الهلال دخل خط طمنطاشر ؟؟؟؟؟

* استاذنا يس صاحب زفة الوان

* اسلام قابلتك ؟؟؟

* البت الصغيره الشايله علم الهلال دي ياها اسلام زاتها

* اها

* جابوا الفاتح النقر

* ياربي ابوتونج حايلعب ؟؟؟

* انتوا وين فيلكس !!!!

* ميشو مشيتوهوا

* لو ماعندكم الشرط الجزائي قولوا ليهو ماعندنا فكه , ادوهوا اتوبونج وقولوا ليهو جيب الباقي

* تتذكروا البرير لما كان راكب في راس بيت العربيه وجمبو كنج كونج في المطار ؟

* البشوف الصوره ديك يقول الكاس في النص

* ايها الناس

* ويظل مانديلا هو الانجاز الافريقي الوحيد للانديه

* بتعرفوا المانجلك ؟

* مانجلك تعني لانجل الا اياك

* مانديلا زاتها عندها معني

* تعني لاندل الا ياك

* يعني انت يا مانديلا دليلنا الوحيد

* المهم

* اسلام قالت لي اخير الارباب جاب كاس فهيمه

* المهم

* الفاتح النقر لما يعمل تعارف يلقي مدرب الترجي صحح الاخطاء

* لكن عمليتك ماظريفه

* معقوله !!!

* موش لينا حق نفخر باننا صفوه ؟؟؟

* غايتو الفاتح النقر لو اجبر كنج كونج ينقض المشاط ده ممكن يلعبو

* سمعنا بمقولة دخل القش وماقال كش

* لكن مقولة دخل الميدان ومرق وماقال كش دي جديده

* هيثم في زول حسه بيهو لما طلع !!!!

* غايتو مع الفاتح النقر ده ابشركم

* جممممبلق وطشششششش كمان

* الجنيد الرائع جسد الوطنيه

* شال الطبله ودخل الكوره

* لي اسي ماقدر يغني

* كان غني يقولوا مبسوط بالقون الجا والشمس بره ده

* وكان سكت يقولوا ماداير يشجع

* الكاميرا جابت جانب من الجماهير

* واقفين زي الناس في سقالة البنطون

* لاعارفيين يشجعوا

* ولاعارفين ينددوا

* ولا عارفين حاجه

* واقفين ساااااي

* صلاة جنازه بس

* قال لي ايدكو مسجل

* قلت ليهو مسجل خطر كمان

* لكن بصراحه نحنا صفوه

* زي ده ماشفنا

* اسلام قالت لي قول للمعز المرقن خلهن اقرع الجايات

* ايها الناس

* الشبيحة العملوها في سوريا شينه

* ونرفض ان يتشبح الشبيحة اكثر من ذلك

* معقوله !!!!

* ياناس

* ماتنسوا الحاجه

* محتاجه لدعواتكم

سلك كهربا

ننساك كيف وجون سينا طايح فينا

والي لقاء
سلك