بسم الله الرحمن الرحيم
في السلك

•    بالامس انهزمنا من مصر
•    بدأت الهزيمه من الخرطوم
•    وتمينا الناقصه في مصر
•    ليس لاننا (كعبين )انهزمنا
•    ولا لان المصريين احسن مننا
•    ولكن انهزمنا لاننا اعتدنا ان نلفح اي شئ من نصو ونجري بيهو
•    سمعنا من الجهاز الفني( المرافق) المشاكل
•    قبل السفر الي مصر
•    قالوا حق الحافله ماعندهم
•    ومعسكرات مقطوعه من الراس
•    مدة المعسكر قصيره
•    كأن البعثه سافرت لي بكا
•    باتت هناك ورجعت
•    انهزمنا
•    ليس لان مصر افضل منا
•    ولكن لان المصريين برغم ظروف مصر الحاليه يعملون بمنهجيه لسه نحنا ماجايبين خبرها
•    انهزمنا
•    لان تأشيرة رئيس الجهاز الفني للبحرين ماجات
•    الوحيد التأشيرتو ماجات
•    تأشيرة اهم زول في البعثه ماتجي
•    ماننهزم كيف !!!
•    انهزمنا لان الهاشميه تعودت ان تشيلنا طوالي
•    وبعد داك تختنا علي ارض الواقع
•    واقع الهزيمه
•    واضاعت الفرصه
•    تاني فرصه زي دي مابتجي قريب
•    اسلام قالت لي لو في غاني حضر الكوره دي كان ندم وبكي وقال
•    عنتر كتلو اعمي
•    من حظ مصر غلبنا غانا
•    وغانا الغلبناها دي لو قابلت مصر امس كانت فازت تلاته صفر
•    في الاسكندريه
•    انهزمنا لاننا لانتأثر بالهزيمه
•    انهزمنا لان طموحنا اصبح وصلنا
•    وصلنا المرحله الفلانيه
•    ايها الناس
•    التاني والطيش واحد
•    فكونا من نغمة وصلنا
•    الكأس بشيلو زول واحد
•    وكل الباقين ماشالوا الكاس
•    كلهم زي بعض
•    يجب ان يتخطي طموحنا مرحلة وصلنا
•    نحن في السودان حققنا بطولتين قاريتين فقط طول عمرنا الطويل
•    كأس افريقيا للدول سنة سبعين والذي حققه الفريق القومي لما كان قومي فعلا
•    لاخيار ولا فقوس
•    ولا مجاملات
•    ولا موازنات
•    اما البطوله الثانيه التي حققها السودان فكانت كأس مانديلا الذي حققه المريخ سنة تسعه وتمانين
•    خلونا من وصلنا
•    حتي القومي الكبير
•    الوصول للنهائيات ليس غايه
•    ايه وصلنا
•    قبل كم سنه موش وصلنا غانا ؟
•    ورجعنا منها بي شنو ؟؟؟؟؟
•    يبقي المره دي فكونا من وصلنا
•    يانجيب الكاس يا نسكت بس
•    وعشان نجيب الكاس يجب ان نعمل علي ذلك
•    نبطل الاتكاليه
•    الدوله تقوم بواجبها كاملا
•    موش الدوله تقصر وتلحق الناس بعلوق شده لا يسمن ولا يغني من جوع
•    ونجي نشكر في الوزير وندفن اجسادنا كلها في الرمال
•    الاتحاد يقوم بواجبه كاملا
•    ويبطل حركات التهرب من اعداد القومي الاعداد الذي يليق به
•    تتذكروا فنايلنا النمره طارت في الشان ؟؟؟؟
•    والجهاز الفني يقوم بدوره كامل بدون مجاملات وموازنات وترضيات
•    والجمهور يقوم بدوره كاملا مسانده ومساعده
•    بعيدا عن التعصب والتحزب
•    يعني الناس الكانو بهتفوا الشعب يريد تغيير الشغيل ديل ما يجونا
•    دايرين زول يشوف الشعار وبس
•    ويبقي  كأس افريقيا وكأس مانديلا هما فقط الحقيقه طيلة تاريخنا الكروي
•    ايها الناس
•    فكونا من قولة وصلنا عشان نصل
•    نصل للكأس
سلك كهربا
ننساك كيف ولسه بنتخبط نغلب غانا وتغلبنا مصر
والي لقاء
سلك
babikir maki [عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.]