بسم الله الرحمن الرحيم
في السلك

•    في المريخ الناس تمارس العشق الحلال بمنتهي الاستمتاع
•    الناس في المريخ لاتسعي للمناصب
•    وتشترط نيل منصب حتي تقدم للمريخ
•    اننا في المريخ نمارس عشقنا عن طريق تقديم مافي وسعنا لمعشوقنا
•    البقدم مجرد صفقه للمريخ قدم
•    والبدفع واحد جنيه ويكون كل مايملكه هو واحد جنيه
•    يبقي اعظم رجل في تاريخ المريخ
•    لانه يكون قد قدم كل مايملك للمريخ
•    كل ثروته
•    نقدم لمريخنا بمنتهي الحب
•    ونسعد بذلك
•    لذا كان من الطبيعي ان يتولد من هذا المجتمع شباب من اجل المريخ
•    وفي ذات المعني
•    يعقد تجمع روابط مشجعي المريخ لقاء تفاكري يوم السبت القادم الساعه السادسه والنصف مساء بالنادي العائلي
•    وناس تجمع الروابط ديل فيهم اعضاء الرابطه المركزيه ( المحلوله )
•    وعلي الرغم من ذلك يعملون ويتفاكرون في خصوص المريخ
•    انه المريخ
•    لانعمل بشرط ان نكون في منصب
•    نعمل تحت اي مسمي
•    ويكفينا مسمي مريخاب ويشرفنا
•    ويؤكد كلامي ده مواقف كتيره
•    الاخ خالد ليمونه
•    كلنا يعلم موقفه من مجلس الاداره
•    وكلنا يعلم مايقدمه لمجتمع المريخ
•    برغم ان خالد عطائه قد قل في الآونه الاخيره
•    الا انه يعمل
•    والكل يعمل
•    ايها الناس
•    من يشترط منصبا ليعمل للمريخ
•    ماحبابو
•    عجاج كرعينو
•    وياما ناس قدمت للمريخ ومافي زول بعرف اساميها
•    انه نبل الانتماء
•    وشرف الولاء
•    بتعرفوا الفنان الذري المريخابي ابراهيم عوض عليه رحمة الله ؟
•    هو في زول مابعرف ابراهيم عوض !!!
•    ابراهيم عوض ده ابوهو عوض قدم للمريخ مالم يقدمه اناس كتار بتقدلوا في المقصوره لزوم الصوره
•    ولكن قدم بيمينه حيث لاتعلم شماله
•    لانه قدم لحبه المريخ
•    ايها الناس
•    شباب من اجل المريخ اضحوا واقعا لا يمكن تجاوزه
•    قريبا يدعونكم لتفعيل العمل الثقافي بالنادي
•    شعر وغناء وادب
•    وبعده بقليل مسرح
•    مسرحيه كامله ستعرض علي مسرح نادي المريخ
•    وتفعيل للنشاط الرياضي للرواد
•    تاني مافي مريخابي بمشي النادي الامريكي او الالماني
•    كل شئ هناك حايكون هنا وزايد حلا وحمار
•    ايها الناس
•    لايفوتكم القطار
•    تعالوا كلكم لداركم
•    امسكوا عضويتكم في ايدينكم
•    وشاركوا في قيادة ناديكم
•    ساهموا بكل شئ
•    ولو بشرف الحضور
•    وتشرفوا بشرف المشاركه في ثورة التغيير الكمي والنوعي
•    ايها الناس
•    حان مولد جمعية الاصلاح التي تحدثنا عنها
•    لانها لاتقوم ولا تقدم الا بكم
•    وحان موعد ضربة البدايه لاذاعة الزعيم اف ام ميه ونص وخمسه
•    وحانت ساعة تمويل قناة النجوم
•    لن ننتظر زيد او عبيد ليقدم لنا
•    واذا لم يقدم تموت طموحاتنا
•    نحلم
•    ونحقق حلمنا بايدينا وبي حقنا
•    ومن اراد ان يشارك حبا في المريخ
•    مرحبا به
•    ونعطيه شرف المشاركه في افكار شبابيه تظهر في ارض الواقع بسرعة الصاروخ
•    تعالوا لنحلل وضع المريخ في الحقبه الماضيه
•    تحليلا دقيقا وعلميا
•    نعرف مكامن القوه
•    واماكن الضعف
•    والاسباب التي تضعفنا ونحن في اوج قوتنا
•    الدبايب
•    تعالوا  نضع الحلول
•    لا نجامل
•    ولا نتجمل
•    وياهو ده المريخ
سلك كهربا
ننساك كيف والشباب دور بينا البلد ده
والي لقاء
سلك

babikir maki [عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.]