بسم الله الرحمن الرحيم
في السلك

•    سمعنا قالوا مجدي شمس الدين قال حايفتح تحقيق في موضوع طارق مختار
•    خوفتنا
•    قلوبنا دقت
•    سجمنا
•    مجدي يريد ان يحقق في صدق واقعه
•    والله العظيم
•    مجدي
•    سبحان الله
•    مجدي الذي اعتمد تسجيل يوسف محمد العالمي بالتلفون
•    هو في مدينه
•    ويوسف في مدينه
•    لكن يوسف عالمي
•    بتواجد فرضا في اي مدينه
•    مجدي داير يحقق في اصابة طارق مختار
•    قال ايه
•    عشان اللاعب نفي الاصابه
•    يامجدي
•    امولادي وكواريزما ماحصل نفوا الاعاره ؟؟؟
•    حققت في الموضوع ده ؟؟؟؟؟؟
•    يامجدي
•    في ختام كأس السودان قبل الاخير
•    بونيه ملت الشاشه
•    وانت رئيس لجنه مختصه
•    حققت يا سيدنا مجدي ؟؟؟
•    لاعبوا الهلال يعتذرون  عن اللعب الدولي
•    بمنتهي الوضوح
•    والاتحاد يتسلم خطاب
•    حققت في الموضوع ده ؟؟؟؟
•    الصلوي في الجواز عندو عمر وفي الشهاده عندو عمر
•    اختلاف مستندي
•    حققت يا اخوي ؟؟؟
•    ولا اعتمدت علي عدم معرفتك باللغه البرتغاليه ؟؟؟؟
•    وغابيتو حققت عمرو كم ولا سجلت سااااااي ؟؟؟
•    والاغرب من كده
•    مجدي داير يعرض طارق علي طبيب المنتخب الوطني
•    اسأل يامجدي طبيب المنتخب اول
•    قول ليهو سفاري مصاب ولا مامصاب
•    الاجابه دي بتساعدك علي  التحقيق في موضوع طارق مختار
•    واسأل وحقق عن اصابة جياد
•    وحقق كانوا عارفنها ولا ماعارفنها 
•    حققت يا مجدي مع لجنة التحكيم حول سكاتها علي ضربة الجزاء الضربت في الماسوره ورجعت للزول واتحسبت قون ؟؟؟
•    وقلوا استفسروا الفيفا عن الحكم الذي يطبق علي الحاله
•    حققت معاهم نتيجة الاستفسار جات ولا لسه ؟
•    وقالت شنو ؟؟
•    وليه ماكلموك لو جات
•    وليه ماتابعوها لو ماجات ؟؟؟
•    حققت في رفض استلام لاعبي الهلال لميدالياتهم الفضيه ؟؟؟؟؟
•    حاتحقق كتير يا مجدي
•    ولو كنت بتحقق من بدري ماكان بتحتاج تحقق الآن
•    حقق
•    بس دقق اول
•    حقق يامجدي عشان نحنا نصفق
•    يامجدي
•    الاتحاد العام هو الجهه الاداريه المنوط بها قيادة الكره في البلاد
•    وهو الذي يضع استرتيجيات عمله
•    حققت يا اخوي في مدي ملائمة او عدم ملائمة بدعة التجنيس في التأثير السالب علي مستوي الكره في البلاد ؟؟؟؟؟
•    حقق يامجدي
•    قبل ما يجي يوم التحقيق معك
•    الشعب يريد اشياء كثيره يا مجدي
•    ايها الناس
•    نرجع ونقول ان اهمال اهل المريخ للاتحادات واللجان هو الذي يجعلنا في هذا الموقف
•    مجلس الاداره يفترض فيه ان يدير امة المريخ
•    يعرف كيف تتشكل الاتحادات
•    ولماذا تتشكل الاتحادات
•    حقو يا مجدي تحقق مع مجلسنا اول
•    بعدين تحقق في موضوع طارق مختار
•    بمناسبة المجلس
•    عرفتوا معسكر المريخ وين ؟ ومتين ؟ وليه ؟
•    واحد قال لي الهلال بني دكاكين كتااااااار
•    قلت ليهو من كانت ثقافته جمع الايجارات بالتأكيد يكون   فهمه الاستثماري منحصرا في بناء الدكاكين
•    ولود بيرنق كمان
•    عشان يقلل التكلفه
•    حقق يامجدي
•    ولو ماتوصلت لي شئ
•    جيب المحقق كونن
•    بساعدك
•    اسلام قالت لي استرتيجيه يعني شنو ؟
•    قلت ليها تعني الصدق مع النفس في اجابة الاسئله التاليه
•    اين انا الآن ؟
•    وماهي امكانياتي ؟
•    واين اريد ان اكون ؟
•    وكيف اصل من هنا الي هناك ؟
•    قالت لي مافهمت
•    قلت ليها ولا انا , لكن بشرح ليك
•    استرتيجيه تعني السياسه التي توضع وتمارس لبلوغ هدف يحدده صاحب السياسه
•    قالت لي وسياسه يعني شنو ؟
•    قلت ليها ده الشئ الوحيد المابفهم فيهو , لكن حسب فهمي السياسه هي ان تكذب مره وتظل طول العمر تكذب لتبرر الكذبة الاولي
•    قالت لي حوالينا وماعلينا
سلك كهربا
ننساك كيف ومجدي يادوب داير يحقق
والي لقاء
سلك
babikir maki [عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.]