بسم الله الرحمن الرحيم
في السلك


•    واحد صاحبي
•    عندو ولد صغير
•    بليد بلاد شديده في الحساب
•    بلاده بالفطره
•    قدر ماجابوا ليهو اساتذه خصوصيين ما عرف الحبه
•    صاحبي قال لي الولد ده جاب البلاده دي من وين مابعرف
•    قلت ليهو علها نزعة عرق
•    قال لي نزعة عرق من وين ؟ قبيلتنا دي كلها زول بليد مافيها
•    واضاف
•    الولد ده بالذات انا سميتو علي ابوي , سميتو العطا
•    قلت ليهو ابوك خريج هندسه ؟
•    قال لي ابوي ما قرا , الا الحساب ده كان بعرفو , علي الطلاق الليمون في شدرتو بحسبو صاح
•    قلت ليهو ما مشكله
•    في كورس حساب مجاني
•    اكيد ولدك حايستفيد منو , وبعدين ولدك صغير بجي منو
•    قال لي الكورس ده وين ؟
•    قلت ليهو كل دارس بدرسوهوا ناس كورس الحساب ده في بيتو
•    قال لي يجوا لي كل طالب في بيتو ؟
•    قلت ليهو ابدا , لكن كل طالب بياخد الحصه في الكورس المكثف في بيتو
•    قال لي كيف يعني ؟
•    قلت ليهو تجيب كرسي تختو قدام التلفزيون وتقعد فيهو الولد يوم كورة الجماعه ضد الافريقي
•    وتكون حريص تتأكد انها الكوره التانيه
•    اثناء الكوره لاحظ للولد
•    حاتلقاهو بحيب
•    واااحد انييييييين تلاته ,,,,ابعه ,,,,, همسه وهكذا
•    كان وصل لي تسعه ما تسألوا
•    لكن بيني وبينك لو حضر الحصه دي من واحد لي سته دي اضمنها
•    بجضمها ليك
•    تته ( بكسر التاء الاولي ) دي بقولها ليك
•    احفظها سممممممممح
•    تته
•    صدقني بقولها  
•    المهم
•    صاحبي عندو التلفزيون والديقيتال
•    مشي يجيب الكرسي
•    المهم
•    العندو ولد بليد في الحساب يجيب الكرسي ويرجي قدام التلفزيون
•    اها
•    واحد زعلان من موسي الزومه
•    قال لي موسي ده يعيدوا ليهو البلنت مرتين يضيعها داير يجيبها متين ؟
•    قلت ليهو بجيبها لما يعيدوها ليهو تلاته مرات زي بتاعت مهند ضد اول اغسطس
•    الغريبه محمد عبدالماجد بتكلم عن البطولات الافريقيه وبنتقد في الحضري
•    يا ابو حميد انت ناسي انو البطولات الافريقيه الحائز عليها الحضري اكتر من عدد الجمهور البتنتمي ليهو انت ؟
•    وانت ناس انو الفريق البلعب ليهو الحضري حاليا جوياته فريقك ماعندو ولا واحد علي المليون منها ؟
•    وانت مافاكر لانو عدد جويات المريخ اكتر من طلعات كتائب القذافي الجويه ؟
•    اتكلموا في حدود انجازاتكم
•    ممتاز بالكوره من الماسوره تضرب في الماسوره وترجع للماسوره يحسبها الماسوره هدف
•    تحتار حتي الماسوره
•    يا محمد عبد الماجد
•    تمشوا لي قدام
•    تمشوا لي ورا
•    تمشو زي الرقشه بتلاته لساتك
•    جويه نهي بالكل كارتا
•    الزول البجي يهرشك
•    البقول ليك بطعنك
•    اكيد بتقول ليهو طعنت منو قبل كده
•    يا محمد عبدالماجد
•    يا محمد عبدالماجد
•    العطا جاب الكرسي
•    وقعد قدام التلفزيون
•    للمعلوميه
•    ابو الهل شارك تمانيه مرات في سيكافا
•    ياربي تمانيه ولا ( تته ) ؟
•    تمانيه ما (تته )
•    ولما غلبتو عاين للمشلعيب
•    وقال نجااااااااااااااااااااااااو
•    الحكاية دي ذكرتني حاجه
•    قصة البايره
•    تتشنط وتمشي عرس صاحبتها
•    ولما ترجع البيت الحساده تكتلها
•    تبرطم
•    العريس كبير
•    قالوا معرس بالدس تحت تحت
•    عرس زي ده لو انا دايراهو كان زمااااااااااااان عرست
•    مبروك عليك ( يا شنافه )
•    موش في اغنيه قديمه بقولوا فيها
•    من الحاسد والشناف **** ربنا قدر ربنا شاف
•    العندي انا ما بدي **** وبحر الشوق انا بعدي
•    ايها الناس
•    عملتوا شنو في التفلتات الحصلت يوم كورتنا ضد المورده ؟
•    يوم الاعتداء الهمجي الوحشي
•    فوتوا الموضوع ساااااااي !!!!
•    يبقي لا اظنكم حاتسألوا عن شئ تاني
•    خجله سااااااااي تسكتوا بس
•    سؤال برئ جدا
•    اخبار التومه مع الولاده شنو ؟
•    لسه ماقنعت ؟؟؟؟؟؟؟
•    ونعم بالله
سلك كهربا
              ننسي كيف والاستهتار خلي البسوي والمابسوي يتكلم معانا !!!!!!
والي لقاء
سلك
babikir maki [عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.]