بسم الله الرحمن الرحيم
في السلك

•    هذا اليوم هو يوم الشفوت
•    لاننا نقابل المورده
•    والناس بتحفر لهذا اللقاء من بدري
•    دايرين يستغلوا احباطات الخروج
•    دايرين يصطادوا في المويه العكره
•    لكن نحنا شفوت
•    حانروق المويه  
•    ونروبها
•    ونروق المنقه
•    كثير من الناس حايدخلوا الكوره عشان يعملوا كارثه
•    لتحسب علي المريخ
•    بزعم ان جماهير المريخ هي من قامت باحداث المباراه
•    والسيناريو واضح
•    تبدأ المباراه
•    يبدأ معها اساءات للاعبين
•    من طرف دون فرز
•    يتوتر اللاعبون
•    يمرقوا من جو المباراه
•    تكثر الاخطاء
•    ينفعل جمهور المريخ
•    يشاركهم الاساءات للاعبين
•    يزداد التوتر
•    تدخل القوارير الملعب
•    يوقف الحكم المباراه
•    يدعي لاعبوا المورده الاصابه بقارورات جماهير المريخ
•    ينهي الحكم المباراه
•    تطالب المورده بالنقاط
•    لان من قام باعمال الشغب ما جمهورها
•    يطالب المريخ بالاعاده
•    لان من قام باعمال الشغب ماجمهورو
•    والاتنين بكونوا صادقين
•    تبقي حجه ومحاججه
•    الاتحاد يماطل في القرار الي نهاية الدوري
•    لو كان اعطاء النقاط للمورده بضيع المريخ ولا سبيل غيره
•    تعطي النقاط للمورده
•    ولو كان اعطاء النقاط للمورده لايغير من صدارة  المريخ للدوري
•    تعاد المباراه
•    عشان يقنعونا بان لجان مجدي تقف الي جانب المريخ
•    المهم
•    كورة الليله كورة شفوت
•    كورة جمهور
•    نجي كلنا
•    نأدب من يتفوه بكلمه تجاه لاعب مننا
•    ونفوت الفرصه علي المتآمرين
•    ديل لاعبيننا نحنا
•    وبنعرف نشجعهم كيف ومتين ونلومهم كيف ومتين
•    البجدع قاروره نأكلها ليهو
•    نشجع مريخنا
•    بكل حراره وتجرد
•    وحتي اللاعبين المرقوا من قلبنا نشجعهم الي حين
•    الي يوم مغادرة الكشوفات
•    في القريب العاجل
•    لن نفرط في صدارة الممتاز
•    لن نمرر الاوراق تحت اقدامنا
•    ايها الناس
•    جمهور المريخ قرر عدم الصلح من اناس باعينهم
•    ولكن الجمهور لم يقاطع المريخ الكيان
•    وعندما هتف الجمهور للاعبين في التمرين الاول
•    ماكانوا جمهور قلبوا ميت
•    ولكنهم قالوا لاسباب الخروج من اللاعبين الله يسامحكم
•    وهذا لايعني انهم غفروا للناس ديك
•    المهم
•    حديث الوالي في الاجتماع مع اللاعبين والجهاز الفني كان حديثا رائعا
•    وكان علي الوالي ان يقله قبل سنين
•    والآن ننتظر التنفيذ يا والي
•    الباب يفوت جمل
•    الماعاجباهو قراراتنا عجاج كرعينو
•    والما داير ينضبط ويلتزم
•    عجاج كرعينو
•    والداير الكشكوش يدينا حقنا مجهود وولاء وتضحيات
•    والعندو شغله اهم مننا يمشي ليها طوالي
•    تمانيه ساوند سيستم !
•    كفر ووتر !!!
•    دي مايكل جاكسون ماعملها
•    بالمناسبه ياوالي
•    في مجلسك من هم اكثر استهتارا من اللاعبين
•    نعلم طريقة وصولهم للمجلس
•    لكن تاني يلقوها عند الغافل
•    نحن جماهير المريخ قررنا محاربة العضويه المستجلبه
•    ويتم ذلك عن طريق نيل العضويه باعداد خرافيه تذوب في داخلها عضويات الاشخاص
•    اكبر المصانع لايساوي عدد عماله واحد علي مليون من الجماهير
•    جايين كلنا
•    للعضويه
•    الخطوه الاولي في مسيرة التصحيح
•    عشان نختار مجلس ادارتنا بكامل ارادتنا
•    دون ان تؤثر في تلك الاراده العضويه المستجلبه
•    ايها الناس
•    ماتنسوا
•    اليوم كلنا حضورا في الاستاد
•    من اجل مريخنا
•    وعشان خاطر عين نكرم الف عين
•    ونفوت الفرصه علي اعدائنا
•    ايها الناس
•    الناس بالناس والكل برب العالمين
•    مريضه تعاني من ورم بالمخ نسأل الله لها السلامه
•    تقرر لها العلاج بالخارج بتكلفه تمانيه الف دولار
•    هي ام لاطفال زغب الحواصل
•    يعولهم صبي يعمل كمساري بحافله
•    لاقبل لها بالمبلغ
•    ولكن املها في اخوانها اهل الرياضه كبير
•    للاستفسار او المساعده الاتصال علي الرقم 0915053552
سلك كهربا
            ننساك كيف ولي اسي بنكوس في الغيره
والي لقاء
سلك
babikir maki [عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.]