* رحم الله خضر بشير الفنان الرائع الذي تغنى بالدرر


* ومن درره الدرة الفريدة


* ويقول فيها ماجانا حنان الريد نسانا


* نسانا لي شنو


* آه آه آآآآآآآآآآآآه


* يافلي الزرعتو ولسه ما شتلتو


* حرف (الإس ) كتبتو وفي قلبي سطرتو


* سطرتو لي شنو


* بعد الكورة إسلام غنت مقلدة جدها الرائع خضر بشير.


* لاسانا كلتشي الريد نسانا


* نسانا لي شنو


* آه آه آآآآآآآآه


* ماسورتي السجلتو ولسه ما اختبرتو


* طلع ماسورة سااااااكت وارقو فات بتحتو


* بتحتو لي شنو


* أجمل حاجة في القون الأول أنو باص القون كان من فييرا ولاسانا كان معاه البرنس


* البرنس اتلفت شاف الدعيع طاير زي كيس النايلون يوم التراب والكورة في عش العصفور


* كورة لاغبار ولا حمار ( بضم الحاء).


* كورة حلا وصفار وأولاد صغار


* تاني باري ديمبا


* ما بتسمع الكلام


* بهجة المريخابية الكبيرة الطالبة الجامعية ابنة أخونا مولانا فخري رئيس تسجيلات أراضي أمدرمان غرب حلفت وقسمت نشيد كلتشي الا تكتبو براها


* عشان كده كل مرة بديكم مقطع من نشيد كلتشي


* تقول بهجة


* كلتشي أو سونو


* مولود بي سنونو


* شفتوا جنو وفنونو


* كل كورة بي قونو


* وبعد داك في كسرة كده بتقول فيها بهجة:


* ارجع لي يا كلتشي ارجع لي ... تيت ... ارجع لي ياعشايا ارجع لي ... توت


* الكورة جات لي كلتشي


* قام كلتشي فات من أربعة ولا خمسة ماعارف


* الرطانة بين أمولادي وديمبا وقعت قرش ونص


* باري ديمبا قال لي لأمولادي


* دوشونو عملونو ؟ وقعنو واطونو سايونو ؟ ( يعني ده شنو العملتو ده ؟ تقع في الواطه ساي ؟


* أمولادي قال ليه أوسونو لعبونو خطرونو أسولو أوشونو ؟ ( يعني أوسونو لعاب وخطير أسوي ليه شنو؟ )


* تاني باري ديمبا


* عندنا فيلم هندي اسمه الخائن بطولة كلتشي كابور وأبو لفه وراجا راجي باجا ولاسانا الشريف بالإشتراك مع دعيع راجيف الطوالي واقع وأصلو ما بقيف


* بعد الكورة قلت لي مزمل صفحة وأتوب


* قال لي إن شاء الله يوم توبتك مايجي


* مزمل كان بحضر في الكورة


* الحكم أنذر أمولادي


* محمد خير قال لي مزمل كده وقف عندو كرتين


* مزمل اتحسر وقال لي محمد خير وقفتو دي خسارة كبيرة لينا


* كلتشي دايما متعودة


* الشاف مواسير الموسم ده يقول تسخاني سيد المغلق


* يا اخوانا زول بلعب خمسطاشر سنة بالرجل اليمين بس لا شمال لا رأسيات ده ماسورة ولا ماماسورة ؟


* قلق كابتن أول كورة شال كاس الذهب وفي زول كابتن عشرين سنة (تسوفي بعينك بس)


* ناس الكهربا قالوا الداير كهربا يجيب شهادة بحث ولا عقد إيجاروبطاقة شخصية


* اذا مريخابي يدوهو من كهربة مروي ... واذا ماسورابي يدوهو من الدمازين .. تقطع تجي تتملي طمي ما بخصنا


* بعد الكورة ولعنا كشافة واحدة بس


* ناس المولد طفوا أنوارهم وبقوا يبيعوا الحلاوة بي نور كشافتنا


* كاس الدهب من إيطاليا للاستاد للقلعة الحمراء


* هو الكاس مجنون يجي من إيطاليا يمشي ينوم بين الجقور والعنكبوت ؟


* جدي كان بحضر في الكورة قال لي دحين ده ما أنقيدي ؟


* قلت ليهو لا .. ده أمولادي لكن نفس الفصيلة والبلد


* ياناس دوسانتوس ماسوووووووووووورة


* اذا ناس الصدي أدوني صفحة بكتب فيها الفيلم الهندي


* امشو أقروا هندي 0000 راجا باجا 0000 راجي عبد العاطي 00 أمولادي00 ومصعب لسه ما جا 00 تم نهي زندكا 0000 نهي ترضيات


* لأنها كانت مباراة تاريخ كان لابد للتاريخ أن يسجل للمريخ


* زي افتتاح جامعة جوبا وافتتاح استاد الموردة


* تاني لو في افتتاح حلاق ما تجوا


* ملحوظه 000 زولكم ده تقيل مابقدر يتحرك مع الشباب ديل خلوه يتحرك مع الشاحنات بعد منتصف الليل حسب توجيهات المرور


سلك كهربا


هو فضل كهربا غير مروووووووووووووي