• Increase font size
  • Default font size
  • Decrease font size
أعز الناس .. كلمات: حسين شنقراي طباعة أرسل إلى صديق
الخميس, 23 شباط/فبراير 2012 11:54



(هيج رحيلو مع الغروب)
(إحساس غلبني إتحملو)
إتحسر  عليهو  قلبي
وعيني بالدموع إتملو
الدنيا  عماها  الأسي
وبالسواد بيوتنا إتكحلو
فارقنا  النغم  الشجي
وين  نلقاه تاني نتأملو
كم   أطربت   البلاد
يا الصوت النادي وحلو
من   بعدك   خلاص
ما عرفنا  إيه   النعملو
وآأسفاي علي الحلوين
من دنيانا راحو وعزلو
ليه  إنتو  يا  الزينين
ديمة تسافروا وترحلو
وراكم منو البقود الناس
ومشوار نضالنا   يكملو
من  قبل الربيع كيفن
تفوتوا ديارنا  تسلمو
منو البعدكم بكون غناي
وللشعب  دية  يعلمو
يا أعز الناس
حبايبك نحنا
كيف  ترحل
تسيبنا في محنه
معاك  غنينا
ياما  فرحنا
وبعدك  كيفن
نداوي جرحنا
غبت  الليلة
ومعاكا سمحنا
ضعت وضاع
الوطن وقِمِحنا
وآأسفاي وآأسفاي
غاب جميل السِحنه
بعد  ما  دبنا
في هواهو وسِحنا
ياريتنا  رحنا
زمان و إرتحنا
يا أعز  الناس
حبايبك   نحنا
بلاك  السودان
دوام  في  محنه

Joomla Templates and Joomla Extensions by ZooTemplate.Com